أسا.. أراهي لكم بمجلسها الإقليمي حگ حگ ما شاء الله.
موجبو عن المجلس الاقليمي لأسا الزاك اليوم هذا الدوني نشر إعلانيين خاصين بطلبة ذا الإقليم العزيز ينگال عنهم زينين من شي حك ما شاء الله.
1️⃣ الاعلان اللول منهم، يعلم بيه لخالگ من تلميذ حاصل على شهادة الباكالوريا ذا العام بالإقليم، عنو وقع على شراكة مع مؤسسة البحث والتنمية والابتكار في العلوم الهندسية (SUPTECH) بمدينتي الصويرة والمحمدية، باش طلبة الإقليم يگدوا يتابعوا دراستهم في أكثر من سبع عشرة شعبة تلبي حاجات سوق الشغل.. واللي منهم ياغي يستافد من ذي الفرصة ما خاصو شماهو يدفع ضوسيه للمجلس فتخصص واحد وهناه الله من شي كامل ينگالو المصاريف… يا سلاااام.
2️⃣ والثاني ما شاء الله، يبشر 36 طالب وطالبة عنهم ينطرحوا عند ثانوية ابن رشد يوم الاحد القادم باش يزوزوا الامتحان الكتابي والشفوي، باش اللي نجح منهم لاهي يكمل دراستو فروسيا… أهيه روسيااااا اللي عاصمتها موسكو، أهييه والمصاريف كاملة على حساب المجلس… وأراهو فات عدل شراكات مع جامعات صينية أملي.. اللهم بارك.
وفگدني أراهم ذو الاعلانيين سبگهم أعلان يهني فيه رايس المجلس الاقليمي لأسا نيابة التعليم وعموم التلاميذ الناجحين في اقليم أسا ويتمنى لهم التوفيق والسداد… ويدعي أملي مع ذوك المستدركين… يوگي بعد..
عيني عليكم كاملين أهل السمارة، نحن رانا مانا طامعين فمجلسنا الاقليمي عنو يرسل طلبتنا لروسيا ولا الهند، وبعيد فينا نطمعوا منو يهنيهم من تكاليف كون السفر لشمال المملكة باش يخطوا الكونكورات ديال المعاهد.. ونحن باغيين اللا إعلان يهني من خلالو التلميذة ” أميمة منت الرگيگ” ومعاها كوكبة من الناجحين. وواعر عليه يعدلو وأشكال ينز بشي..!!؟
يا ولد التامك الله ينصرك ويعاونك ويقبل منك وما شاء الله عليك، تكايس على مجلسنا يطول عمرك وامشي مشي يگد يحامرو.
وفالختام نبغوا نگولوا لكم عنا كنا باغيين نعدلوا ذا المنشور فنافذة (غير بعيد) يغير جبرنا المضمون بعيد بعيد بعيد ولا تلات صلحت لنا.
أهيييه.. نسيت… هو مجلسنا عالم بمنت الرگيگ..!!!!!!!
#أيوة الله غالب وتوف.